मानव अधिकार पुरस्कार सम्बन्धी सूचना | २०८३ साउन ३१

मानव अधिकारको संरक्षण र संवर्धनमा उल्लेखनीय योगदान पुर्‍याउने एक जना व्यक्ति र एउटा संस्थालाई प्रत्येक वर्ष अन्तर्राष्ट्रिय मानव अधिकार दिवसको अवसरमा नेपाल सरकारको तर्फबाट मानव अधिकार पुरस्कार प्रदान गरिने र त्यस्तो पुरस्कार छनोटका लागि सूची तयार गर्न पुरस्कारका लागि योग्य व्यक्ति तथा संस्थालाई कुनै व्यक्ति वा संस्थाले सिफारिस गर्नुपर्ने व्यवस्था रहेको छ। यस वर्ष प्रदान गरिने मानव अधिकार पुरस्कारका लागि योग्य व्यक्ति तथा संस्थालाई सिफारिस गर्न इच्छुक व्यक्ति वा संस्थाले मानव अधिकार पुरस्कार कोष सञ्‍चालन नियमावली, २०७५ र  मानव अधिकार पुरस्कार वितरण कार्यविधि, २०७८ बमोजिम आवश्यक कागजात संलग्न गरी सोही कार्यविधिको अनुसूचीमा उल्लिखित ढाँचामा यो सूचना प्रकाशन भएको मितिले २१ (एक्काइस) दिनभित्र यस मन्त्रालयमा वा यस मन्त्रालयको तल उल्लिखित इमेलमा सिफारिस गरी पठाई मानव अधिकार पुरस्कार छनौट प्रक्रियामा सहभागी हुन आह्वान गरिन्छ । 

इमेल: infolaw@moljpa.gov.np

पुनश्‍च: मानव अधिकार पुरस्कार कोष सञ्चालन नियमावली, २०७५ र मानव अधिकार पुरस्कार वितरण कार्यविधि, २०७८ यस मन्त्रालयको वेबसाइट (www.moljpa.gov.np) मा राखिएको छ ।

 

मानव अधिकार पुरस्कार समितिको सचिवालय, 

कानून, न्याय तथा संसदीय मामिला मन्त्रालय,

सिंहदरबार, काठमाडौं ।

भाषा अनुवादकहरूको सूची (रोस्टर) तयार गर्ने सम्बन्धमा सूचना | २०८३ साउन २०

पारस्परिक कानूनी सहायता नियमावली, २०७९ को नियम ९ को प्रयोजनका लागि नेपाली भाषाबाट अङ्ग्रेजी भाषा र अङ्ग्रेजी भाषाबाट नेपाली भाषा बाहेक अन्य विदेशी भाषाका लिखतहरूलाई नेपाली भाषामा र नेपाली भाषाका लिखतलाई अन्य विदेशी भाषामा अनुवाद गर्न सक्ने दक्ष अनुवादकहरूको सूची (रोस्टर) यस आर्थिक वर्ष २०८३/८४ का लागि तयार गर्नुपर्ने भएकोले इच्छुक आवेदकहरूले (व्यक्ति तथा संस्था) आफूले अनुवाद गर्न सक्ने भाषाको नाम उल्लेख गरी सम्बन्धित भाषामा दक्षता वा ज्ञान भएको पुष्टि हुने प्रमाण समेत संलग्न राखी यो सूचना प्रकाशन भएको मितिले ३० दिनभित्र यस मन्त्रालयको आन्तरिक प्रशासन शाखामा वैयक्तिक विवरण पेस गर्नुहुन यो सूचना प्रकाशन गरिएको छ ।

सूचनाको हक सम्बन्धी चौथो त्रैमासिक प्रतिवेदन (२०८३ वैशाख-असार)

कानून, न्याय तथा संसदीय मामिला मन्त्रालयले आयोजना गर्ने कानूनी सहायता प्रणाली सम्बन्धी अन्तरक्रिया कार्यक्रमम सहभागिताको लागि pro bono कानून व्यवसायीलाई आह्वान

कानून, न्याय तथा संसदीय मामिला मन्त्रालयद्वारा आयोजना हुने कानूनी सहायता प्रणालीमा डिजिटल रूपान्तरण र नीति सुधार सम्बन्धी राष्ट्रिय कार्यशालामा सहभागिताका लागी २०८३ साउन १३ गते बुधबार ५ बजेसम्म दर्ता गर्न हुन स्वेच्छिक कानूनी सहायता (Pro Bono) दिने कानून व्यवसायीहरुलाई आह्वान ।

नोट: नाम दर्ता भई छनौट हुनु भएका सहभागीहरुलाई मन्त्रालयले पछि खबर गर्नेछ।

 

दर्ताको लागि निम्न लिङ्कमा Click गर्नुहोला।

bit.ly/legal-aid-workshop

 

नेपाल कानून आयोग ऐन, २०६३ लाई संशोधन गर्न बनेको विधेयकको मस्यौदा विधायन ऐन, २०८१ को दफा ६ को उपदफा (२) बमोजिम सर्वसाधारणको रायको लागि प्रकाशन गरिएको। २०८३ साउन ११

सर्वसाधारणको राय माग गरिएको सम्बन्धी सूचना

मिति; २०८३ साउन ११

 

कानून, न्याय तथा संसदीय मामिला मन्त्रालयले नेपाल कानून आयोग ऐन, २०६३ लाई संशोधन गर्न बनेको विधेयकको मस्यौदा तयार गरेको छ। विधायन ऐन, २०८१ को दफा ६ को उपदफा (२) बमोजिम उल्लिखित विधेयकको मस्यौदा सर्वसाधारणको रायको लागि प्रकाशन गरिएको हुँदा सो विधेयकउपर मन्त्रालयद्वारा सञ्‍चालित सुझाव पोर्टल (www.lawfeedback.moljpa.gov.np) मार्फत् वा संलग्न ढाँचामा lawdrafting@moljpa.gov.np मा इमेल गरी सात दिनभित्र आफ्नो राय उपलब्ध गराइदिनुहुन सम्पूर्ण सर्वसाधारणसमक्ष अनुरोध छ।