सिलवन्दी दरभाउ-पत्र आह्वान गरिएको सूचना | २०८३ कार्तिक १२

सूचना प्रकाशन मिति: २०८३/०७/१२
यस मन्त्रालयको चालु आ.व. २०८३/८४ को अवधिको लागि आवश्यक स्टेशनरी तथा छपाई सम्बन्धी सामाग्री खरिद गर्न सात दिन अवधि रहेको सिलवन्दी दरभाउ-पत्र आह्वान गरिएको छ। विस्तृत सूचना यस मन्त्रालयको सूचना पाटीमा टाँस गरिएको र वेबसाइट (www.moljpa.gov.np) मा राखिएको व्यहोरा सम्बन्धित सबैमा जानकारी गराईन्छ।

मानव अधिकार पुरस्कारको लागि प्राप्‍त सिफारिसमा पुरस्कार प्रदान गर्न नहुने कारण भए उजुरी दिने सम्बन्धी सूचना | २०८३ असोज ५ गते

(सूचना प्रकाशन मिति : २०८३/०६/०५)

 

यस मन्त्रालयको मिति २०८१/०४/३१ र  पुनः प्रकाशित मिति २०८१/०५/२२ को मानव अधिकार पुरस्कारको सिफारिसको लागि दरखास्त आह्वान गरिएको सूचनाबमोजिम तोकिएको म्यादभित्र देहायका व्यक्ति तथा संस्थाको सिफारिस प्राप्‍त भएको हुँदा उक्त व्यक्ति तथा संस्थालाई पुरस्कार प्रदान गर्न नहुने कुनै कारण भए यो सूचना प्रकाशित भएको मितिले १५ दिनभित्र यस मन्त्रालयमा उजुरी दिनहुन सम्बन्धित सबैमा अनुरोध गरिन्छ।

 

व्यक्ति तर्फः-
१.  डा. सुगम जङ्ग के.सी., जिल्ला काठमाडौं। 
२.  नरेन्द्र नारायण साहु, जिल्ला सप्तरी।
३.  नूतन बहादुर थपलिया, जिल्ला काठमाडौं।
४.  भोजराज तिमल्सिना, जिल्ला काभ्रेपलाञ्‍चोक।
५.  रमेशप्रसाद तिमिल्सिना, जिल्ला ललितपुर।
 

संस्था तर्फः-
१.  मानव अधिकारका लागि जनमन्च (People Forum), जिल्ला काठमाडौं।
२.  कानूनी सहयोग तथा परामर्श केन्द्र (LACC) , जिल्ला ललितपुर।
 

मानव अधिकार पुरस्कार समितिको सचिवालय
कानून, न्याय तथा संसदीय मामिला मन्त्रालय
सिंहदरबार, काठमाडौं।

पूर्वाधार न्यायाधिकरण गठन सम्बन्धमा व्यवस्था गर्न बनेको विधेयकको मस्यौदा विधायन ऐन, २०८१ को दफा ६ को उपदफा (२) बमोजिम सर्वसाधारणको रायको लागि प्रकाशन गरिएको। २०८३ भदौ २४

सर्वसाधारणको राय माग गरिएको सम्बन्धी सूचना
मिति: २०८३ भदौ २४

 

कानून, न्याय तथा संसदीय मामिला मन्त्रालयले पूर्वाधार न्यायाधिकरण गठन सम्बन्धमा व्यवस्था गर्न बनेको विधेयकको मस्यौदा तयार गरेको छ। विधायन ऐन, २०८१ को दफा ६ को उपदफा (२) बमोजिम उल्लिखित विधेयकको मस्यौदा तथा सो विधेयक तर्जुमा गर्नुको कारण र त्यसले पार्ने प्रभाव सर्वसाधारणको रायको लागि प्रकाशन गरिएको हुँदा सो विधेयकउपर मन्त्रालयद्वारा सञ्‍चालित सुझाव पोर्टल (lawfeedback.moljpa.gov.np) मार्फत् वा संलग्न ढाँचामा lawdrafting@moljpa.gov.np मा इमेल गरी सात दिनभित्र आफ्नो राय उपलब्ध गराइदिनुहुन सम्पूर्ण सर्वसाधारणसमक्ष अनुरोध छ।

मानव अधिकार पुरस्कार सिफारिस गर्ने म्याद थप गरिएको सूचना | २०८३ भदौ २२

(दोस्रो पटक सूचना प्रकाशन मिति: २०८३/०५/२२)

 

यस मन्त्रालयबाट मिति २०८३/०४/३१ मा प्रकाशित “मानव अधिकार पुरस्कार सम्बन्धी सूचना” अनुसार मानव अधिकारको संरक्षण र संवर्धनमा उल्लेखनीय योगदान पुर्‍याउने व्यक्ति तथा संस्थालाई सिफारिस गर्न आह्वान गरिएकोमा धेरै भन्दा धेरै व्यक्ति तथा संस्थाहरूको सहभागिता सुनिश्‍चित गराउनको लागि सो सिफारिस गर्ने म्याद दश दिन थप गरी पुन: सूचना प्रकाशन गरिएको छ। मानव अधिकार पुरस्कार कोष सञ्‍चालन नियमावली, २०७५ र  मानव अधिकार पुरस्कार वितरण कार्यविधि, २०७८ बमोजिम आवश्यक कागजात संलग्न गरी मिति २०८३/०६/०१ सम्म यस मन्त्रालयमा वा यस मन्त्रालयको तल उल्लिखित इमेलमा सिफारिस गरी पठाइ मानव अधिकार पुरस्कार छनौट प्रक्रियामा सहभागी हुन आह्वान गरिन्छ।

 

इमेल: infolaw@moljpa.gov.np

पुनश्‍च: मानव अधिकार पुरस्कार कोष सञ्‍चालन नियमावली, २०७५ र मानव अधिकार पुरस्कार वितरण कार्यविधि, २०७८ यस मन्त्रालयको वेबसाइट (www.moljpa.gov.np) मा राखिएको छ ।

मानव अधिकार पुरस्कार समितिको सचिवालय,

कानून, न्याय तथा संसदीय मामिला मन्त्रालय,

सिंहदरबार, काठमाडौं ।

मानव अधिकार पुरस्कार सम्बन्धी सूचना | २०८३ साउन ३१

मानव अधिकारको संरक्षण र संवर्धनमा उल्लेखनीय योगदान पुर्‍याउने एक जना व्यक्ति र एउटा संस्थालाई प्रत्येक वर्ष अन्तर्राष्ट्रिय मानव अधिकार दिवसको अवसरमा नेपाल सरकारको तर्फबाट मानव अधिकार पुरस्कार प्रदान गरिने र त्यस्तो पुरस्कार छनोटका लागि सूची तयार गर्न पुरस्कारका लागि योग्य व्यक्ति तथा संस्थालाई कुनै व्यक्ति वा संस्थाले सिफारिस गर्नुपर्ने व्यवस्था रहेको छ। यस वर्ष प्रदान गरिने मानव अधिकार पुरस्कारका लागि योग्य व्यक्ति तथा संस्थालाई सिफारिस गर्न इच्छुक व्यक्ति वा संस्थाले मानव अधिकार पुरस्कार कोष सञ्‍चालन नियमावली, २०७५ र  मानव अधिकार पुरस्कार वितरण कार्यविधि, २०७८ बमोजिम आवश्यक कागजात संलग्न गरी सोही कार्यविधिको अनुसूचीमा उल्लिखित ढाँचामा यो सूचना प्रकाशन भएको मितिले २१ (एक्काइस) दिनभित्र यस मन्त्रालयमा वा यस मन्त्रालयको तल उल्लिखित इमेलमा सिफारिस गरी पठाई मानव अधिकार पुरस्कार छनौट प्रक्रियामा सहभागी हुन आह्वान गरिन्छ । 

इमेल: infolaw@moljpa.gov.np

पुनश्‍च: मानव अधिकार पुरस्कार कोष सञ्चालन नियमावली, २०७५ र मानव अधिकार पुरस्कार वितरण कार्यविधि, २०७८ यस मन्त्रालयको वेबसाइट (www.moljpa.gov.np) मा राखिएको छ ।

 

मानव अधिकार पुरस्कार समितिको सचिवालय, 

कानून, न्याय तथा संसदीय मामिला मन्त्रालय,

सिंहदरबार, काठमाडौं ।